12 Burj (Zodiac) aur Bacho ki Khasiyat

Burj Jadi (Capricon) Wale Bache

Yeh Bache aksar aur umooman ziddi, tarsh ru aur ulthi seedhi harkaat ka muzahera karte hai aur ehsaas e kamtari ka shikaar hojaate hai, chunache in ko sanwaarne ke liye aisa tareeqa ikhtiyaar kare jis se yeh mehsoos karsakte ke in ki shaksiyat par etemaad kiya jaraha hai in ke liye hausla afzayi aur khud etemaadi ke mawaq’e paida kiye jaye. Jis se who apne mua’mlaat aur kaamo mein zimmedaari mehsoos kare aur is ke saath ta’leemi mashaaghal se in ko waqif karaya jaye.

Burj Dilo (Aquarius) Wale Bache

Aise bache mahol tabdeeli ke khawhaa hote hai, chunache ta’seer angez koi mahol in ki uljhi huyi tab’ee ko theek karne ka ba’is hosakata hai, chunke yeh bache ibtedaa mein bade ziddi aur mushkil se sambhale jane wlae hote hai aur in ki azaadi pasand tab’a ke liye ek jaisa mahol bada takleef de hota hai.  Lehaza agar musbat aqdaam na kia gaya toh yeh bache awaara hojaate hai aur ghar se bhaag bhi jaate hai ya dur chale jaane ke be hadh khwahish rakhte hai.

Burj Hooth (Pisces) Wale Bache

Yeh bache sharamsaar zehniyat ke maalik hote hai n ke taur tareeqe dusro ki hamdardi haasil karne ke talabgaar hote hai agar in ko tanha rehne diya jaye toh mazeed kayi mushkilaat buri adaat aur shaa kharchi ka shikaar hojate hai, lehaza in ko akele rehne ka mauqa na diya jaye in ke saath koi na koi bacha ya in ke dost maujood hone chahiye, beher haal yeh ek zimdarana aqdaam hai.  Is se in mein apni zaat se khaas dilchaspi ho jayegi aur woh masnu’yi ta’suraat ke izhaar se gurez karne lagenge in ke liye ache dost paida kiye jaye tameeraati mashaghal in se karaye jaye ta’leem ki taraf tawajjo dilayi jaye in ko paise jama karne ki aadat daaley  kuch zayd kharch in ko dejiye is ka natija aapke liye bada acha hoga  phir aap in ke mustaqbil se yaqeenan khush rahenge.

Burj Hamal (Aries) Wale Bache

Aise bache mushkil se sambhale jasakte hai kyun kein in mein hadh se ziyada ahmaqaana harkaat wa saknaat ke muzahira karne ki adatien hoti hai. Yeh aisi harkaat ghar aur school dono jaga karte rehte hai.  Lehaza in ke sudhaarne ke liye khel hi acha aur umda ilaaj hai.  Chunache in ko kisi aise club ka member banadijiye jo in ki khwahishaat ki tarjumaani karta ho aur in ko beruni masrufiyat khel kud aur azaadaana naqal o harkat mein is qadar masruf rakte hai ke woh thak kar aise chur ho ke shararatien na karsake.

Burj Saur (Taurus) Wale Bache

Aise bacho ko sambhaalna mushkil hota hai kyunke in mein be hadh susti ka ruhjaan paya jaata hai ek saal se dus saal ki umr tak yeh qat’an  boriyat ya na khushi ka izhaar karta rehta hai  bawajood yeh ke is ke dost saath ho.  Chunache aise bache ke liye artisitic qism ke mashaghal faraham kiye jaye ya ache aur naye dost banadey jo in ki adaat ko pasandeeda rakhte hai.

Burj Joza (Gemini) Wale Bache

Aise bache ke liye zaruri hai ke tandrust bacho ke saath rakha jaye agar is ko mahol munasib na diya gaya toh tishnagi kaifiyaat ke saath saath tashadud o ghussa aur hejaan ka shikaar rehta hai, chuanche mandar je zeyl tasbeer hi aise asraat ki daf’a hai ta’teelaat mein ghar se dur le jaye jaha kheth ho jaanwar ho aisa khandaan ho jis bache ke ho take isey guftagu o dalail aur tabadila e khayalaat ka poora poora mauqa mil sake.

Burj Sartaan (Cancer) Wale Bache

In bacho par gharelu mahol khususan waldain ke halaat o adaat aur amraaz ka asar jald hota hai ranjeeda aur mutafakirana sonch bichaar ki taraf mayil hojaate hai aur agar bache ghar mein ho toh in se bhi asar yazeer hote hai chunache is ki bimaari ka mua’sar ilaaj yeh hai ke apne kisi dusre ache khandaan ke bacho ke saath in ka uthna baithna rakha jaye is se who udaas na honge.

Burj Asad (Leo) Wale Bache

Yeh bache jab in ke saath aur koi bacha na ho toh behadh boriyat aur pareshaani ka shikaar hojaate hai.  Khususan jab yeh ghoomne phirne ke qaabil ho toh in ke liye dusre bacho se milne aur khelne ka bandobast kare taakey khel kud se poori tarah lutf andoz ho sake aap ki yeh hausla afzayi is ke liye faida mand hogi. Dusra yeh khayaal rakhiye ke yeh bache ziyada khaane ke aadi hote hai ziyada na khane diya jaye..

Burj Sanbla (Virgo) Wale Bache

Yeh bache nafsiyati rad e amal ka shikar hojaate hai khususan apni sehat ke liye aur apne dosto ki sehat dekh kar rashk mehsus karte hai chahe who bade ho ya chote in mein nafsiyati kashmakash badarje tamaam maujood hoti hai.  School ke mahol se bhi yeh bache ukta jate hai in ke wahed hal waqfa ta’teel hai aur taweel ta’teelaat mein ghar se bahar jaana hai.

Burj Mezaan (Libra) Wale Bache

Woh mushkilaat jo in ki taraf se paida hoti hai inki haqeeqat ba asaani maloom hosakti hai in ko ghalat fehem ke bacho ke saath hargiz hargiz na khelne dena chahiye aur in ki dilchaspi ke naye aur achutey tareeqye sonch kar burey saathiyo se in ki tawajjo hata dijiye.

Burj Aqrab (Scorpio) Wale Bache

Yeh bache haasidana jazbe ka shikaar hote hai ghar mein jab koi dusra bacha paida ho toh yeh samajhte hai tawajjo is ki taraf se hat jayegi ya school teacher ki dusre taalib e ilm ki taraf tawajjo dena is ke jazbe ko hawadene ka ba’is hogi chunache is ke liye aisa ta’sur paida kare jo in mein se hasidaana jazbe ko khatam karne mein madad de sakey yehi inka wahed ilaaj hai.

Burj Qoos (Sagittarius) Wale Bache

In ki mushkil sirf is waqt hoti hai jabke inhe khel kud ka poora mauqa na milta ho ya koi paaltu jaanwar behlaane ko na ho aise bache ghar ke paaband aur uktadene wale mahol se bade mutasir hote hai. Yeh in mein tishnagi kaifiyat paida karne ka ba’is hota hai aapko yaad rakhna chahiye ke who azaad mansh hote hai chunache in ke liye isi fitrat ko mad e nazar rakh kar tadbeer sochi jaye.

Aaseb Aur Jinn Se Rihayi Ka Amal

Agar kisi mariz par deo pari jin ya arwaah e khabisa ka asar ho to amil ko chahiye ke aise mariz ko behte hue pani mein ghauta de aur phir iske gosh e raast me ayat mandarja zeil ko tin martaba parhe aur buland awaz se parhe phr aabe rawa me is mariz ko ghauta zan kare phir bahar nikal kar gosh e chap me aayat mazkoora ko tin martaba parhe aur iske badan par hath phere aur aayat e mazkoor ko tin martaba parhe agar aurat ya jwan ladki ghair mehram ho to hath na lagaye ishara kafi hai  aur is dua ko tin martaba parhe  Inshaa Allah usi waqt fauran woh rooh e khabis, hamzad ya jinn,  pari ya deo is mariz ke badan se nikal jayega phir chahiye ke mariz ka hisar kar de aur loh e tahaffuz galey mein dal de aur chahal kaf ka ganda kamar me bandhe iske saath in ayat e mubarka ke aadad nikal kar in mein mariz ka nam shamil karke 40 naqsh e musallas aatishi chal se likh kar peene ko de agar asar qawi hone ka andesha ho to naqsh chahar qul  ka jalane ke waaste de, aksar yeh cheezey dafa hone ke baad phir laut aati hain lihaza is taur par agar nuqoosh istemal karaye gaye to in sha Allah kabhi na lautenge  aise marizon ka ilaj karne se qabal amil apna aur apne ahal ka hisar kar lena chahiye ke yeh khabis arwaah inko apna dushman bana leti hain, woh ayat yeh hai.

بسم اللہ الرحمن الرحیم
یا معشر الجن والانس ان استطعتم ان تنفذوا من اقطار السموات والارض فانفذوا لا تنفذوا الا بسلطن فبا ی الآ ربکما تکذبن یرسل علیکما شواظ من نار و نحاس فلا تنتصیران

Amal Ba Muwakkil Habshi Bachha (Angelic Spell Negro Child)

Amal ba muwakkil ke shaiqeen ke liye yeh amal ek tohfa hai,nihayat ajeeb o ghareeb aur sau fisad saheeh amal hai jisme muwakkil ek habshi bachche ki shakal o surat me zahir hota hai ,goya is amal ka muwakkil ek habshi bachcha hai isi wajah kar is amal ko Amal habshi Bachha bhi kaha jata hai , jisne tajarba kia sau fisad durust paya, banisbat degar amal ba muwakkil ke yeh amal kuch asan aur be khatar hai isme nuqsan ka koi khas imkan nahi hota albatta parhez jamali kam az kam zaroor karna chahiye taake amal ki quwwat me mazid izafa ho, tarkeeb yun hai baroz hafta ek mendak pakad kar zibah kare aur iske khoon ko aise kapde me tar kare jo ke hath ka bana hua ho, is kapde ke 11 palitey banaye rozana ek palita tanbe ke chiragh me roghan chameli dal kar raoshan kare.  Chiragh ke andar Surah Kausar ka hurfi naqsh 42 khano mein pur karen, amal ke liye ek kamra bilkul alag chahiye taake ghalati se bhi koi wahan dauran e amal dakhal andaz na ho, raat ke taqriban 11 baje amal shuru kare, roo ba’qibla musalle par baithe aur chiragh ko apne samne kisi stool par raoshan kare taake apke seeney ke muqabil ho phir apna hisar karke 1781 martaba Surah Kausar ko ek nashisht me padhe aur dauran e qirat chiragh barabar jalta rahe, sirf ek din ke baad padhai ke dauran kamre me charo taraf jugnoo nazar aayenge aur satwen 7th  din habshi bachha hazir hokar ajeeb o ghareeb harkat karega aur poore kamre me daudta phirega lekin dar aur khauf bilkul nahi hoga, giarwey din woh apke samne aise khamoshi ke saath adab se baith jayega jaise shagird apne ustad ke samne zanuye talammuz tai karta hai, jab tak apka wazifa mukammal na ho harghiz kalam na kare baad khatam tadad 1781 ke is muwakkil se apni madri zuban me baat kare aur isse qaul o qarar le khabar dar uski koi shart na maney, woh apne hazir hone ka tariqa khud batayega, is muwakkil se ap bughz o adawat aur tabahi dushmana ke saath mohabbat o taskheer ke kaam khas taur se le sakte hain iske elawa yeh muwakkil dusre umoor mein utna kaam nahi karta, taskheer e muwakkileen ke amileen par yeh bat makhfi nahi ke mukhtalif kamo ke liye alag alag sifli aur alwi muwakkil muqarrar hain jin ko taabe banane ke sainkdo nahi balke hazaro tareeqe buzurgan e deen aur aamileen o kamileen ne ijad farmaye hain.

Amal habshi bacha unhi aamal e mujarraba mein se ek nayab amal hai jiski qismat me iska muwakkil hoga uske liye yeh amal asaan se asaan tar ho jayega, habshi bachha taabey karne ke baad ap mandarja zeyl kamo me uski khidmat hasil kar sakte hai aur hazir karne ki azeemat yeh hai. سن سنا کی بو بلا بو

  • Najaiz talluqat ka khatma
  • 2 dushmano ke darmiyan judai dalwane ke liye
  • Bad kirdar mard o aurat ko saza dene ke liye
  • Dushmano ki neend bandhne ke liye
  • Kisi zani ko na mard banane ke liye
  • Najaiz muhabbat ko khatam krane ke liye
  • 2 dilo me ek dusre ki mohabbat dalne ke liye
  • Miya biwi ke darmiyan misali mohabbat paida karne ke liye
  • Kisi jagah rishta manzoor karane ke liye

Gharz ke is qism ke sainkdon kamo me yeh muwakkil kam karta hai bashart ke is kaam ka talluq bughz o adawat aur ishq o mohabbat se hona chahiye karobari taraqqi  ya daulat ke husool ya imtehan me kamyabi waghaira me kaam nahi karta amal ki ijazat bhi zaroori hai aur humare yehan chiragh hadiyatan hasil kar sakte hain, chiragh ke saath amal se mutalliq izafi malumat bhi faraham ki jayenge.

Amal Ki Zakaat Kyun Ada Ki Jati Hai (Why is the Process Of Zakaat in Spiritual Remedy)

Amaliyat mein ek bunyadi mas’ala zakat ka hai aksar aamileen isko nazar andaz kar dete hain natije ke taur par unhe jagah jagah nakaami ka samna karna parta hai peshawar aamileen to nakaam hone par bhi jhoot sach bol  kar kaam chala lete hain lekin pareshani aur mayoosi moahqqiqeen aur  un awamunnas ko gher leti hai jo apni masaail ke liye aamileen ke pas aate hain isliye un tamam hazraat ke liye zakat ki adayegi zaroori hai jo is raah mein qadam rakhne ka irada rakhte hain akabireen ki tahqeeq ke mutabiq zakat ki haqiqat yeh hai ke Haq ta’ala ne apni qudrat e kaamila se har har hurf par Qur’an ki har har ayat par aur apne tamam asma par malaika ko musallat kar dia hai aur har har hurf ka talluq kisi na kisi firishte se wabista hai phir har woh firishta jo kisi ayat ya hurf par nigran ho woh haisiyat bamanzila sardar ke hota hai phir uske matahat aur bhi firishte hua karte hain jo  Allah ke banaye hue qanoon aur zabte ke mutabiq apne sardar ke hukum ki tamil karne par majboor hain  aur har hukm baja laate hain yeh bat bilkul aam faham hai ke humare hukm ki taamil wahi shakhs karega jisse koi talluq ya ta’ruf hoga be talluq aur bila ta’ruf agar koi kaam aajaye to yeh mahaz ek ittefaqi amar hai warna is duniya mein kaam usi ka kia jata hai jisse koi shanasai ho aur kisi tarah ka uns bhi is haqiqat ke pesh e nazar zara sochen jin muakkileen ya malaika se humara kisi bhi tarah ka koi ta’ruf ya talluq na ho aur hum us ayat ka amal karne chalen jis ayat par woh bataur e nigehban ya hukmaran musallat hai to bhala yeh kaise mumkin hai ke amal mein taseer paida ho jaye yeh chiz apni jagah atal hai ke har chiz marziyat e khudawandi hai lekin yeh bat bhi apni jagah musallam hai ke asbab o alal ki is duniya mein jab kisi afsar ki safarish se humara kaam banta hai tab bhi, marzi e maula ko ismein dakhal hota hai malik e haqiqi ki marzi ke baghair na kabhi kuch hua hai na kabhi kuch hoga isi tarah amaliyat ki raah mein firishton aur moakkilat ke zariye koi kaam banta ho ya ban jaye tab bhi usmein marzi e maula o izn ka usmein dakhal hoga lekin jis tarah asbab ki is duniya meinin yeh aqidah rakhte hue ke Allah hi ki marzi se sab kuch hota hai hum balayi logon se safarish karate hain aur afsaran ki khushamad karte hain isi tarah amaliyat mein taseer paida karne ke liye malaika aur muakkileen se shanasai paida karna aur unke zariye kaam karane ki jiddo johad karna tauheed ke manafi nahi yaqeen baharhaal dil mein yeh hona chahiye ke karne wali zaat Haq Ta’ala ki hai han usne apne muqarrab bandon ko quwwat bakhshi hai beiznillah woh bhi mutasarrif hain ap ne dekha hoga beshumar log is duniya mein amal karte hain lekin aksar log apne amal mein nakaam ho jate hain aur matlooba taseer samne nahi aati to iska saf matlab yeh hai ke amal mein kahin na kahin koi kami baqi rah jati hai jis ki waja se amal be taseer hokar rah jata hai warna is duniya mein koi bhi chiz aisi nahi hai jo beiznillah moassar na ho lekin har chiz apna asar usi waqt dikhati hai jab usey qaide aur tareeqe se istemal mein laya jaye kisi chiz se faida uthane ke liye neki aur badi bhi koi mufeed ya maane nahi banti agar tareeqe se kaam kia jaye to bura aadmi bhi kuch na kuch le udega aur agar be qaida kaam kia jaye to nek aur parsa admi bhi kaamyabi se mehroom rahega islye asbab ki is duniya mein kaamyabi se hamkanar hone ke liye manzil ki taraf saheeh qadam uthana zaroori hai zahar ka piyala nek admi piye ya badkaar admi zahar apna asar dikha kar rahe ga aur isi tarah tiryaaq ka istemal bura admi kare ya bhala admi .uska asar bhi zahir hokar rahega sheerni sab ke liye mithi hoti hai namak sab ke liye namkeen hota hai neem sab ke liye kadwa hota hai aisa nahi hai ke neem nek admi ke munh mein ja kar apna zaiqa badal de aur mithi ho jaye aur aisa bhi nahi ke koi meethi chiz bad kirdar admi ke munh mein jakar apna maza badal de aur talkh ho jaye bahar hal asbab o alal ki is dunia mein agar hum apne maqasid mein kaamyabi chahte hain to mehnat, lagan aur saheeh raaste ko ikhtyar karna zaroori hai warna ma’siwa nakaami aur waqti kaamyabi ke siwa kuch bhi hath na lagega.  Amaliyat mein zakaat ki adayegi usi tarah zaroori hai jis tarah namaz mein wuzu shart hai baghair wuzu ke jo namaz ada ki jayegi woh bazahir to namaz hogi lekin aisi namaz be rooh hogi aur iska koi natija deen o duniya mein zahir nahi hoga aisi namaz humare af’al o kirdar par koi asar nahi chhodegi aur akhirat mein bhi uspar koi ajar murattab nahi hoga isi tarah amaliyat jo zakat bina tajurbe mein laye jayenge woh be rooh rahenge inka koi musbat asar zahir nahi hoga aur agar zahir hoga to sirf ittefaqi jis tarah is duniya mein insan zahar pi kar bhi nahi marta halanke zahar kaam bhi mat dalna hai kabhi kabhi Allah ki marzi nahi hoti to chhuri aur aag bhi apna kaam nahi karti lekin yeh koi qaida kulliya nahi  bahar haal jo log amil banne ke aarzumand hain woh yeh bat apne dil mein utar le.n ke amaliyat se puri tarah mustafeez hone ke liye zakat ki adayegi nihayat zaroori hai zakat ki adayegi ka mashhoor o maroof tariqa to yeh hai ke murshid e kaamil ya ustad ki ijazat aur nigrani mein jis Ism e Bari ta’la ya jis ayat ya azeemat ki zakat nikalni ho usey sawa lakh martaba ek waqt muqarrar karke parha jaye kaam se kaam ek chillah yani 40 dino mein aur ziada se ziada 120 dino mein sawa lakh ki tadad poori ki jaye lekin aamileen kaamileen ne zakat ki mukhtalif qisme batai hain hum un par insha Allah tafseel se roshni dalenge yeh bat yaad rakhni chahiye ke yeh zakat jo amal ke liye ada ki jati hai iski shar’i koi haisiyat nahi hai yeh amal ko mazboot karne ke liye hai aur arbab e tajarba ne isey ijad kia hai aamileen kaamileen ne zakat ki mukhtalif qisme bayan ki hai aur iske alag alag asarat bhi bataye hain maslan zakat ki ek qisam yeh bhi hai ke amil apne naam ke adaad nikale aur Quran kareem ki koi ayat ko jiske zariye koi amal karna chahta hai apne naam ke adad ke mutabiq ek raat parhe isi tarah 40 raat parhne se zakat ada ho jayegi lekin yeh zakat sirf ek hi bar amal ke liye kaar amad sabit hogi aur ek hi bar amal karne se batil ho jayegi ab ismein asar baqi nahi rahega.

Amal Deg Sulaimani Baraye Dafa Asraat e Shaitani

Mareez par musallat Aaseb, Shaitaan, Jinnat, Asraat, Jaadu tona, Seher hama aqsaam ka mukammal aur kamiyaab ilaj

Is tareeqe se kisi bhi makaan aur jaga se in cheezo ka khaatima kia jaasakta hai iska tareeqa kaar zara mukhtalif hai mein yahaa mareez par musallat asraat ke khatme ka tareeqakar naqal karta hu.

Yeh amal bada zabardast hai is amal ke saamne tamaam tar aasebi quwwatien khatam hokar reh jaati hai.  Is amal ke mawakkilaat bahut taqatwar hai.  Deg Sulaimani ke is amal se mareez par musallat har qism ke aaseb seher jaadu hama aqsaam jal jaata hai.  Aisa jalta hai ke badi zabardast bu ar ta’affun waha par maujood har fard ko ajaati hai.

Fatila yeh hai

Agar deg sulaimani ka intezaam na hosake to fatila likhe aur fatiley ko chiraagh e aaseb mein jalaade chiraagh mein sab aaseb jal jayenge magar fatila jalate waqt yeh ibaarat ma’a Ayat al Kursi ke padhte rahe.  Agar deg sulaimani mein jalana maqsood ho toh deg sulaimani mein jalaane ki tarkeeb yeh hai ke 7 qism ka anaaj le.  Maslan Gehu, Chaney, Jau, Aard, Moong, Jawaar, Baajra, aur 7 qism ke phool le.  Magar in mein gulaab ka phool na ho ab ek aisi mitti ki pukhta haandi le jiska munh tang ya’ni chota ho aur iska sarposh ya’ni dhakkan aisa ho ke is haandi ke munh ke baraabar rahe bada chota na ho aur haandi ausat darja ki ho na bahut badi na bahut choti ho agar beemar mard hai toh woh apne dahney haath (right hand) se agar aur hai toh baaye haath (left hand) se woh 7 qism ka anaaj haandi mein daaley agar mareez mard hai toh saamne ki taraf se sar(head) se dahney pau (right leg )ke anghote tak agar mareez aurat ho toh peet ki taraf sar se baaye pau (left leg) ke takhne tak naya soothi kapda naap karle phir choti elaichi, supaari aur phooldaar laung 11,11 adad mareez ke haath se kapde ke 4 kono mein bandhwaye aur hasb e taufeeq sheerni 3 qism ki jo doodh se bani huyi ho.  Jaise peda, barfi, qalaqand waghaira beemar se ya is ke lawahqeen se mangwaye agar aurat mareez ho toh atar e gulaab ya kweda 3 maasha mangwaale aur kuch phool khushbudaar fateha ke waastey rakhe.

Ab deg ke andar is naqsh ko likh kar daal de naqsh kaali siyahi se likhe.

Naqsh ke neeche fatila wale tamaam ibaarat ko tehreer kare deg ke taiyaari ke waqt loban ka bakhur roshan kare jab fatila andar rakhde toh haandi ko apne saamne rakh kar anaaj ko dhakney mein rakh kar deg ko dhakey aur kuch munh deg ka khula rakhe aur anaaj ko dhakan se leke deg mein naqsh aur fatila par daal de aur phoolo ko bhi daal de phool par azemat Baadshah Qaiqatush 3, 3 baar padhkar dum kare

Azeemat badshah Qaiqatush yeh hai.

Dhakney se lekar saara anaaj haandi mein jab daal chuke toh phir haandi par ulta dhakna rakhe ya’ni painda dhakne ka asmaan ki taraf ho.  Agar mareez mard hai Gehu ka aata daahney haath se gundhwakar, agar aurat ho toh baaye haath se aata gundhwa kar deg ke munh par lagwaye aata pehle se taiyaar ho aur is ko aisa chipkaa de ke khul na paye.  Yeh naqsh likh kar kaghaz ko deg ke dhakney par aate se chipkade ya dhakne par hi naqsh aur azeemat kaali siyahi se tehreer kare dono tarah se durust hai.

Naqsh yeh hai

Yeh azeemat 3 baar padhkar haandi par dum kare deg taiyaar hone par mithai, atar, phool aur kapde waghaira par fateha de niyaaz ke liye yeh naam liye jaye Janab e Mohammed ur Rasool Allah salallahu alaihi wasallam o Hazrat Adam Safiullah alaihis salaam wa jumla Anbiya e Karaam alaihimus salaam khususan Hazrat Sulaiman bin Dawood alaihis salaam aur Arwaah Muqadassa Shaheedan e Karbala aur Arwaah e paak Hazrath Ghous e Azam Raziallahu anha aur Arwah e Auliya Allah bilkhusus Hazrat Makhdoom e Simnani Syed Jahangir Ashraf Qudas sirrahu ka naam le aur naam Baadshah e Jinnat yaani Arwah e Baktanoosh aur Baadshah e Buduh aur Arwah e Baadshah Shah e Mulk Qaiqatush o Arwah e Paak Mardaan e Ghaib aur tamaam Mawakkilaat Amal e Sulaimani ki fateha dekar sawaab sab ki nazar kare in cheezo ko kisi ghareeb faqeer miskeen ko de de ya baahar kisi jungle ya bagh mein rakhde. Ab mareez ko lita kar handiya ko is ke sar se paer tak 7 martaba utaarey is tarah ke sar se lekar pau tak aur pau se lekar sar tak waarey yeh ek dafa hoga is tarah 7 martaba karna hai.

Ab deg ko ghar ke kisi aise kone mein jalaye jaha logo ka aana jaana na ho deg ko chulhey (stove) par rakh kar tez aag jalade ke chaaro taraf se aag nikalne lage aur yeh aag musalsil jalti rahe, yahaan tak ke gosh sadhne ki badbu aayegi jab awaaz aur badbu mauqoof hojaye tab samajh le ke sab ka khatima hogaya hai aur is aag ko kisi kaam mein na laye deg pakey waqt dhakne se jisqadar surkh ya zard ya siyaa dhua nikle toh isey mazeed aatey se band karde bad bu khatam hone ke baad aag dena mauqoof karde aur deg thandi ho jaane de jab thandi hojaye toh chulhey se utaar kar mareez ke pehne huye kapde mein baandh kar gehre paani mein daal de ya kisi jaga zameen mein gehra dabaade paani mein daale toh ek do Eent (Brick) saath baandh de take gehrayi mein jaakar baith jaye . Baaz auqaat 24 ghante mein hi aaseb jinnat bhoot pareth afaat, balaiyaat waghaira sab jal jaate hai aur baaz auqaat ek hafta tak jalte rehte hai ziyada din ki surat mein aag din raat dena chahiye is amal se mareez ka badan har marz e seher jaadu aaseb se saaf hojaata hai khaw barso ka hi mareez kyu na ho yeh amal apni nau’yat ka waahed aur lasaani amal hai magar sirf wahi log is amal se istefaada kare jo khud apni hifaazat bhi karsakte ho warna aamil khud buri tarah aaseb o balaiyaat ke aise chungal mein phans jayega ke umar bhar pareshaan rahega aise amaal ba qaida aamil e kaamil asaateza ki zer e nigraani seekhne chahiye ke raj’at se mehfooz rahe.

Is amal ki jaazat mere un tamaam shagirdo ko deta hu jinhon ne Abarsa Sabarsa wala chilla kaata hai aur amileen o roohani mua’lijeen jineh saheeh sanado se ijaazat e amliyat o taweezat ki hai woh bhi is amal se faida uthaye aur faqeer ko dua e khair mein yaad rakhe.

 

 

Ism Budooh Ke Muwakkil Se Kaam Lene Ka Amal

Budooh ke Muwakkil  bade jalali hua karte hain inse kaam lena ka ek tariqa darj kia jata hai khayal rahe ke tarkeeb amal jalali hai lihaza 15 adad naqsh musallas khaki chal se rozana pur kia karte raho ke jalal me kuch kami waaqe ho aur amal bhi zordar ho jaye lekin agar aap se kuch bad parhezi ho gai to nuqsaan zaroor hoga haan naqsh ki waja se nuqsaan me kami ho jayegi amal yun hai ke isha ke baad raat 12 baje tak kisi waqt e muqarrara par do zaanu baithe aur zeyl ke amal ko 360 martaba padha jaaye.

Amal ke dauran apko khwab me basharaten honi shuru ho jayengi aur pakiza shaklen, haseen soorten nazar aayengi kabhi dauran amal bhi yeh shakle bilkul saamne aajaya karengi usse darne ki zaroorat nahi bas amal ki ibarat ko zor zor se padhte jana hai insha Allah 40 din ke andar jis maqsad e khaas ke waaste padha gaya woh zaroor ba zaroor pura hoga haan agar khuda nakhwasta dar gaya to pagal ho jayega phir kuch ilaj kaargar na hoga, is amal ke dauran parhez laazmi hai har qisam ke gosht, kachcha lahsan, kachcha piaz, doodh dahi, ghee, goya parhez jalali o jamali kare khana khud pakaye agar aisa karna mushkil maloom ho to kisi khadim parhezgaar ko rakh le pani daria ka istemal kare kam az kam kunwe ka, amal ke dauraan looban ki dhooni bhi amal ke sharait me se hain naqsh musallas maghrib ke baad likha jaaye baad khatam chilla sab ko aate me lapet kar darya me daale is amal se har jaaiz maqsad pura kia ja sakta hai is amal ke taabe muwakkil sirf ek baar hi kisi kaam ko anjaam dene ke paband hote hain who hamesha ke liye khadim nahi bante iske liye tareeq e amal juda hai.

error: Content is protected !!