Chiragh e Tahaffuz (Chirag For Protection & Cure Form All Kind Of Evil Spirits & Black Magic)

Chiragh e Dafa Aaseb
Shaitani aur aasebi quwaton ka safaya aur unse hamesha hamesh ke liye nijat paane ky waaste yeh chiragh tyar kia jata hai , is chiragh me Quran e Muqaddas ki tamam aaseb shikan aayat ko jama kia gaya hai aur is ke elawa chahal kaaf ba muakkil,duaye haidri,naad e ali saghir o kabir bataur khas shamil hai,is chiragh se hazzaron kam liye jate hain , jis ghar me yeh chiragh raushan hoga wahan kabhi kisi qisam ka koi shaitani aur aasebi khalal nahi ho skta aur na hi kisi fard ko jinnati ya aasebi asarat se pala parh skta hai kiyon ke jis chhat ke niche yeh chiragh raushan hoga uske ird gird chalis qadam tak aisi shaitani quwaten jo zarar rasani par qudrat rakhti hain tahar nahi sakti ,chiragh e dafa aaseb un lailaj marizon ke lye muzda e jan faza hai jin par khabis jinnat nar ya mada ka tasallut ek arsa daraz se hai behamdillah humare yeha iska mukammal ilaj maujood hai, yeh chiragh un aaseb zadon ke liye shifaye kaamil hai jin par hazriyan to nhi hoti lekin shaitani quwaton ne inhe nidhal kar rakha hai, woh aaseb zada aurat jiska hamal ya to qaim nahi hota ya hokar ghaib ho jata hai uske liye yeh chiragh ek khush khabri hai , aisi kanwari ladki jispar jinnat aashiq ho aur uska rishta lakh koshish ke bawajood nahi hopata aisi ladki ke liye yeh chiragh ek nawed hai , aisa shakhsh jiski dukan ya factory me aaseb aur shaitani asarata ne nahusat phaila rakhi hai uske liye yeh chiragh sa’adat aur barkat ka sabab bane ga , woh afrad jinke gharon me bad roohon ,jinnaton aur khabis shaitanon ne aafat macha rakhi hai jis waja se ghar ke afrad bimar rahte hon ya aapas me tanao rahta ho aur ghar me barkat naam ki koi chiz nahi dikhti unke liye yeh chiragh roohani quwat aur mukammal hifazat ka zamin hai , gharaz yeh ke shaitani aur aasebi asarat w quwat ka jahan bhi amal dakhal hoga wahan yeh chiragh aur iske muakkilan ki karamat ka zuhoor lazmi hai.

Lohe Atarad Ba Moakkil لوح عطارد با موکل (Angelic Mercury Talisman )

LOHE ATARD BA MOAKKIL
Khuda ke fazal se is ssal sharaf e atard me humne ek aisi pur taseer Lohe Atard ba moakkil tyar ki hai jis ki jitni bhi tareef ki jaye kam hai yeh baat to funne amaliyat wattaweezat ke waqif karo.n se poshida nahi ke kisi bhi saiyare ki sharaf ya auj me ya saad nazraat ba deegar saiyargaan me jo naqoosh ,taweez ya talism lkhy jate hain khwah yeh nihayat sada tareek par pur kiye gaye ho.n ,waqte makhsoos me banaye jane ke sabab taseer e kulli rakhte hain jab in sada naqoosh o talismat ka yeh haal hai to woh ba moakkil naqoosh o talismat jo Almalaaikah Walawaan jaise maya naaz jafri qwaid ke tehat tyar kiye jaye.n jin me Miftaah, Mughlaaq, Adal , Waqf , Masahat , Zabta , Ghayat aur Asal ke istekhraj se 8 moakkil Alwi aur 8 Awaan ya jin baramad karke naqsh ya talism ko harkat karne par majboor kia jata hai ,aise naqoosh kis qadar taseer ke hamil honge aise naqoosh o talismat ki qarar waqai quat ka andaza karna ek mshkil amar hai ,humare yehan aise makhsoos waqto.n me maslan Zohara , Shams , Marrikh , Qamar , Zohal , Mushtari ke sharfaat aur deegar saad nazraat me bamoakkil naqoosh hi ziada tar tyar kiye jate hain ab raqimussutoor Imran Razvee Lohe Atarad ba moakkil ki mukhtasar khasiyat qalamband karte hue mazmoon ka ikhtetam karta hai ,
Lohe Atard ba moakkil ki khasiyat mandarja zeil hain.
@Har qisam ke imtehan me kamyaabi
@Tahreeri fun me maharat
@Taqreeri salahiyat me izafa
@Uloom ke husool me asani
@Ulama aur Peeran e Ezaam ki taskheer
@Band kaam ka jaari hona
@Husool e rizq me aasani
@Kund zahni ka ilaj
@ Nisyaan yani bhulne ki bimari ka khatma
@Dimaghi har qisam ke amraaz ka shafi ilaj
@Zahni istedad me khwatir khwa izafa
@Quwat e Hafiza me ghair mamuli taraqqi
@ Bachcho.n ka taleem me dilchaspi lena
@ Mulazimat naukri me taraqqi
@Kisi deeni dunyawi safar me kaam yabi
@ Malikholia aur pagal pan ka ilaj
@ Bank me kam karne wale afrad ke liye khususi talism hai
@ Padhne likhne wale chhote bachho.n aur muqabla jaati imtehan me baithne wale bade bachhon ke liye ek nemat e ghair mutaraqqaba hai.

Bachcha Na Hone Ke Asbab بچہ نا ہونے کے اسباب (Reason Of Pregnancy Disorder)

 

BAHCHCA NA HONE KE ASBAB

Yeh amal faqeer ko buzurghan e deen se dast ba dast mila hai tajurba se saheeh sabit hua yeh amal Hazrat Sulaiman alaihissalam ko pariyon ne bataya tha ke aulad se mehroom rahne ki saat illate.n hoti hain yeh sab ma alamaat o ilaj darj hain.

  1. Pehli illat yeh hai ke aurat ki raham yani bachha dani ulat jati hai.

Alaamat.

Bad sohbat aurat ke sar me dard hota hai

Ilaj.

Maghaz banola murgh ki bet apas me hal kar ke haiz se farigh hokar teen roz roi tar kar ke shiyafa le bad teen yom ke jama kare.

  1. Doosri illat yeh hai ke aurat ke raham ka munh band hojata hai.

Alaamat,

Bad jama andaam nihani ke saath sara badan dard karta hai ,chehra zard hojata hai.

  1. Teesri illat yeh hai ke raham ke munh me waram ya gosht aajane se hamal qarar nahi pata.

Alaamat,

bad sohbat kamar me dard hota hai.

Ilaj,

Zira saf3d aur hathi ka nakhun bareek pees kar gaye ke ghee me mal kar shiyafa le ,bad teen yom sohbat kare.

  1. Chothi illat yeh hai ke raham ke sar par keeda paida hojata hain jo nutfe ko lha jata hai

Alaamat,

Haddiyo.n me dard hota hai.

Ilaj,

Sabun,saji khar qadre pani me hamwazan hal kar ke bad haiz teen yom shiyafa le badahu jama kare.

  1. Panchhwi illat yeh hai ke etedal se ziada raham me garmi paida hojaana.

Alaamat,

Dil ka dharakna aur dil ke maqam par dard hona

Ilaj,

Gaye ke ghee me maghaz neeb ,gule gulab pees kar shiyafa le bad teen yom sohbat kare

  1. Chhati illat yeh hai ke etedal se ziada sardi jama ho jaye.

Alaamat,

Bad jama chhati me dard hota hai .

Ilaj,

Kilonji zira siyah hamwazan paoser tili ke tel me pakaye.n jab nisf rah jaye roi tar kar ke teen yom shiyafa le badahu jama kare.

  1. Satwi.n illat yeh hai ke deo pari ummussabiyan ka asar hona

Alaamqt,

Bad sohbat ke kisi qisam ka dard na hona.

Ilaj,

Nek saat ,e naqsh isteqrar e hamal mushk o zafran se likh kar bad taharqt haiz kamar me bandhe aur hambistar ho.

Note.,

Bachcha na hone ka sabab unki alamat aur unka ilaj jo upar darj kia gaya hai yehi woh asbab hain jin ki waja se hamal ka isteqrar nahi ho pata hai ,wajoohaat aur alamaat musallam hain jabke ilaj mukhtalif tariqe se kia ja sakta hai lihaza jin hazraat o khwateen ko upar diye gaye tibbi mualje me uljhan mehsoos ho to woh apne doctor se rabta kare.n yeh un 6 alamaat ke liye hain aur akhir ka ek waja adam isteqrar e hamal ka roohani hai is silsile me aamileen se elaj kar waye.n kabhi asarat e shaitani aur bandish e hamal bhi ek aham waja hoti hai iski alamt yeh hai ke mard aurat ka sara medical test saheeh hota hai aur dono tandurust hone ke bawajood aulad ki khushi se meroom rahte hain ,agar surat e haal yeh hai to is faqeer ka mashwara yeh hai ke kisi bhi amil se rohani ilaj karwane ke saath doctors ke diye hue dawaon ko bhi band na kare.n ke baaz auqat sehar bandish ki waja se dawaon ka sar nahi hota ,behamdillah mera roz ka tajurba hai aur sinkdo jodo.n ko Allah ke fazal se aulad ki nemat hasil hui hai.

Dawat Surah Ikhlas Ba Moakkil Baraye Futooh o Usat e Rizq. دعوت سورہ اخلاص با موکل برائے فتوح و وسعت رزق (Spiritual Practice Of Surah Ikhlas For Wealth)

 

Dawat Surah Ikhlas Ba Moakkil Baraye  Futooh o Usat e Rizq.

Nauchandi jumerat ko roza rakhe.n aur bad nmaz fajar naha kar kisi se kalaam na kare.n aur khilwat me paak kapde pahan kar khusboo sulgaye.n arw aur do rikat tahiyatulwozu parh kar is etesam ko 300 martaba parhe.n ۔بسم اللہ الرحمن الرحیم اللھم اجعلنی من المخلصین بحر متہ سورتہ الاخلاص ویسرلی مایلیف بھا بین الخواص الشریفتہ والمواھباتہ الا لھیتہ وصلی اللہ تعالی علی سید نا محمد والہ اجمعین برحمتک یا ارحم الراحمین

Iske baad 1000 martaba surah ikhlas is tariqa se parhe.n بسم اللہ الرحمن الرحیم قل ھو اللہ احد اجب یا جبرئیل اللہ الصمد اجب یا میکائیل لم یلد ولم یولد اجب یا اسرافیل ولم یکن لہ کفوااحد اجب یاعزرائیل

Aur parhne ke waqt qul huallah ka naqsh zanu par rakhe.n iske baad 100 martaba is ikhtetam ko parhe.n  یاحنان انت الذی وسعت کل شئی رحمتہ وعلمایاحنان

iske baad 100 bar is dua ko parhe.n

اللھم انی اسلک سخرلی خد ام ھذا السورتہ بحق لاالہ الااللہ محمد رسول اللہ

Isi tarha baad namaz zohar,asar maghrib,isha aur tahajjud k eke k hazar ma etesam o ikhtetam ke parhe.n majmua 6000 martaba rozana ka hua aur kul 14 din parhe is tarha 84 hazar marta hua phir pandhravi din jumerat ko bad namaz fajar hazar bar parhe isi din bedari ya khwab me 3 farishte hazir honge unka naam Abdullah, Abdulahad,Abdussamad  hai who salaam karke kahenge aye abdussaleh tum hamare bhai hogaye kisi musalman ki burai na karna aur har jumerat ko qaboor e muslimeen ki ziarat kw jana aur hamesha surah ikhlas parhte rahna humlog tumhari hajato.n ke kafeel hain aur behtar yeh hai ke dawat ke zamane me 15 roza rakhe aur iftar siah angoor se kare agar siah angoor na mile to munaqqah ia kishmish ,maghaz badam khaye aur khane me chawal o shkar khaye namak bilkul na khaye aur khilwat me rahe agarbatti o khushbu ka istemal rakhe phir chilla ke baad rozana 111 bar parhta rahe naqsh yeh hai

Note-

Is amal ko har shakhs nahi kar sakta siwaye uske jis ne mukhtalif amal ke chille baandhe ho aur is silsile me khoob waqfiyat rakhta ho ,yeh amal lajawab hai aur baaz auqaat riyazat ke dauran muakkil ki mauoodgi ka ehsaas aise hota hai ke haibat taari hojati hai lekin yeh moakkilan bohat raham dil aur meharban hote hain zarar nahi pohchate lekin khud se dar gaye to pagal hojane ka andehsa qawee hota hai behtar hai ustad ya peer e kamil ki ijazat aur unki negehdasht me mal kare.n insha Allah 100 fisadi kaamyabi naseeb hogi zindagi me kabhi bhi tangdast na hoga aur jisko bhi naqsh likh kar dega uska rizq bhi kushada hoga aur behtar hai ke jumla maqasid ke liye Lohe Surah ikhlas tanbe par kanda karke dia kare ke asar iska saalon qaim rahta hai.

حروف الف لام میم کا عمل ناسوتی Huroof Alif Laam Meem Ka Amal e Nasooti (Spiritual Practice of Letter Alif Laam Meem)

 

Huroof Alif Laam Meem Ka Amal Nasooti

Sufiyo.n Aur Darwesho.n Ke Who Aamal Jo Sina Basina Chale Aarahe Hain

Yeh who huroof hain jin se kalamullah ki shuruat hoti hai Allah tala ki bheji hui aakhri kitab ka sab se pehla hurf alif hai huroof e muqatteaat me alif aur ya ka bohat bada darja hai kiyon ke alif huroof e tahajji ka sab se pehla aur ya sab me aakhir hurf hai ye dono huroof nida me jama hokar apni ahmiyat ko zahir karte hain jab insaan Allah ko pukarta hai to hurfe nida yak e saath pukarta hai lafze ya me huroof e tahajji ka pehla aur aakhri hurf maujood hai

Buzugho.n ne farmaya hai ke Alif Lam Meem ka amal tamam maddi zaroorto.n aur jismani bimaryo.n ke liye teer bahidaf ki haisiyat rakhta hai aur kaisa bhi khatarnaak aur mohlak maraz ho alif laam meem ka amil is maraz se mareez ko nijat dilane me kaamyab hojata hai .

Alif Laam Meem ka amil banne ke liye alif laam meem arbi rasmul khat me qadre mota kar k eek gate pe likhwaya jaye ya safed kaghaz par likhwa kar ia computer se kisi achche font me print out karwakar isko gate par chaspa kardia jaye phir is gate ko kisi diwar par laga dia jaye aur teen ghaz ke faasle par do zaanu baith kar alif laam meem 5000 martaba parhe parhne ki jagah aur waqt muqarrar ho aur lagatar is amal ko 40 din tak jari rakhen.

Is amal me kisi bhi tarha ka koi parhez karni ki koi hajat nahi albatta jagah ,waqt aur tadad ki pabandi zaruri hai ,paak saaf kapdo.n me amal karna bhi shart ki haisiyat rakhta hai iske elawa kisi bhi tarha ki shart aur pabandi ki zarurat nahi ,agar 40 din me ek din bhi nagha hojaye gay a jagah aur waqt ki pabandi ek din bhi barqarar nahi rahegi to amal bekar hokar rah jayega .

Agar 39 din tak parha aur ek din kisi waja se chhot gaya to 39 din ki mehnat bekar hojayegi ,is liye amal ki shruat us waqt kare.n jab 40 din me ek din bhi nagha hone ka andesha na ho albatta is amal ko karne ke baad agar kisi wajah se chhod dia to amil ki taraf kisi tarha ki rajat nahi hoti  tahum baghair kisi uzr kea mal ko paya e takmeel tak pohchaye baghair chhodna kam himmati aur namuradi ki dalil hai .

40 din pure hone ke baad amail ki nighah aur zaban me zabardast taseer aur roohani quwat  paida hogi  is ke baad aamil agar kisi mareez par 3 minut nazar jama kar dekh kar dil hi dil me alif laam meem parh lega to mareez befazle Khuda acha hojayega kitna bhi khatarnak maraz ho agar amil mareez ko 11 din tak jhaad de aur alif laam meem parh kar dam karde to mareez tandurust hojayega .

Jhaadne ka tareeqa yeh hai ,mareez ko bilkul chit lita de aura mil apne chehre ko maghrib ki taraf kar le aur mareez ke ghutno ke pas baithe iske bad 30 bar alif laam meem parh kar sar se par ki taraf dam kare sirf ek martaba dam kardena kaafi hai isi tarha lagatar 11 din dam kare.

Is amal ki niaz yeh hai kea mil mareez se rozana 90 rupai wasool kare is me se 70 rupai apne sarfe me laaye aur 20 rupai kisi majboor ko khairat karde isse ziada agar amil wasool karega to amal bekar hojayega  muhaida ki khilaf warzi ki wajah se .

Chillah ki takmeel ke bad amil apne haath se alif laam meem ka naqsh likh kar mareez ko de sakta hai ek naqsh gulab o zafran se likhe is naqsh ko botal me dal kar pani bhar de aur 11 din subh o sham iska pani mareez ko pine ki takeed karde aur rozana waqt muqarrar kar ke mareez par mazkoora tareeqe se dam karta rahe insha Allah bohat tezi ke saath mareez sehat ki taraf palte ga.

Gale me dalne wala naqsh kale kapde me silne ki takeed ki jaye yeh naqsh aur yeh amal tanan bimaryou.n me befazle Rabbul aalameen teer ki tarha kaam karta hai aur mareez ko hairat nak taur par shifa hojati hai lekin amileen ke liye zaroori hai ke who pehle iski zakaat ada kare aur niyaz marizo.n se utni wasool kare jitni humne takeed ki hai aur isme se bhi gharibon ka haq zaroor nikale .

Note:

Agar mareez kisi dusre mulk ya shahar me ho to is amal se faida na hoga kiyonke is amal me mareez ka qareeb hona zaroori hai dam karne ke liye is ke liye ek doosra Nasooti Amal hai jo aainda mazkoor hoga.

Yadullahi Yaaseen Ka Amal e Nasooti ید اللہ یسین کا عمل ناسوتی (Spiritual Practice of Yadullahi yaseen)

 

Yadullahi Yaaseen Ka Amal e Nasooti
Yeh amal bhi 40 din parha jayega iska tariqa yeh hai ke rozana suraj tulu hote waqt aamil ehram bandhe aur suraj ki taraf rukh kar ke baith jaye aur apni ankh band karke ek hazar martaba yeh amal parhe YADULLAHI YAASEEN aur jab ek hazar ki tadad puri hojaye to amil suraj ki taraf pusht karke baith jaye aur apne hath apas me ek bar male aur 100 martaba yadullahi yaaseen parh kar apne hatho.n ko apne chehre par male is tarha khuli chhat par baith kar jahan suraj ko dekhna aasan ho yeh amal lagatar 40 din karen aur nauchandi itwar se is amal ki shuruat kare
Ilaj ka tariqa
Iska amil gareebon ke ek din ke 25 rupai aur maldaron se 100 rupai hadia le sakta hai isse se ziada wasool karna thik nahi amal ek mariz par lagatar 9 din tak jari rakhe.n ,amal ke waqt bimar ka chehra mashriq  ki taraf ho aur amil ka chehra maghrib ki taraf ho  aur amil agar amal karte waqt bhi ehraam me ho to afzal hai ,amil pehle dil hi dil me 12 martaba yadullahi yaaseen parhe aur phir apne dono haath 12 martaba mal kar ragde aur mariz ke sar par dono hath ek bar rakhe iske baad dono haath ragad kar mareez ke dil par masas kare iske bad phir 12 martaba apne dono hathon ko ragde aur mariz ke dono hathon ki hatelyon par masas kare phir 12 martaba apne haath ragde aur mariz ke dono pair ke talwon par masas kare phir paon ki taraf khade hokar ek martaba aahista se kahe yadullahi yaaseen ki barkat se yeh bimari door hui aur tandurusti wapas aagai, insha Allah bimar pehke din
Se acha hona shuru hojayega aur 9 din me mukammal tandurust hojayega agar darmiyan me mareez thik ho jaye to amal ko 9ndin jari rakhne ki zarurat nahi agar khuda nakhwasta thik na ho to 9 din se ziada amal na kare aur allah ki marzi samajh kar amal 9 din me khatam karde.jolog amail ko apne ghar bula kar amal karayen amil ghareeb se ek din hazri ke 45 rupai le sakta hai aur maldaar se 200 ripai se ziada lena durust nahi yadullahi yaaseen ka amil agar apne dono haath achi tarha dho kar aur dil hi dil me yadullahi yaaseen parh kar ragde phir dono haath ko kisi pani bhare tasht me rakh de aur ek minute tak inhe pani me duboye rakhe to yeh pani jis mareez ko pilaya jaye insha Allah usko zabardst faida hoga iska hadia amil ghareeb se 20 rupai aur maldar se 90 rupai wasool kar sakta hai ,rozana is pani ko subah dopahar sham pina zaruri hai waazeh rahe is pani ka isse ziada hadia wasool karna amil ke liye harghiz jaiz nahi,
Salab e Marz Aur Yadullahi Yaaseen
Yeh aisa pur taaseer amal hai ke iska amil har mariz ki bimari is amal ke zarye salab kar sakta hai agar amil kanwara ho to jaldi taseer zahir ho sakti hai islye akabireen ki raye yeh hai ke is tarha ke aamal shadi se pehle kar liye jayen lekin shadi shuda hazraat par bhi koi pabandi nahi woh bhi isse istefada kar sakte hain aur faida utha sakte hain agar insan khud ko ibadat o riyazat ka paband banaye rakhe aur gunaho se khud ko mehfooz rakhe to yadullahi yaaseen ke amal se usko aisi roohani taaqate.n hasil hojayengi jiska woh
Tasuwor bhi nahi kar sakta baaz buzurghon ne yehan tak farmaya hai ke agar amil muttaqi aur parhezgar hai aur yadullahi yaaseen ka ka amil hai to iska mariz ko sif ek hath laga dena hi kafi hai amil ke chhute hi mariz acha hojayega isi tarha yadullahi yaaseen ka amil agar sahib e taqwa hai to iske ek bar chhu lene se pani me shifa pohchane ki zabardst taseer paida hojayegi phir jo bhi mariz is pani ko ek bar hi pi lega to usko usi waqt befazle Rabbe Kareem sehat mil jayegi ,lekin aisi sifat un amilon me paida hoti hai jo maidan e amaliayt ki bunyadi riyazaton ko kisi kohna mashq ustad ki shagirdi me anjam de chuka hota hai ,janna chahiye ke salab e marz koi asan kam nahi yeh nihayat khatarnak tareeqa hai jisse mariz ke jumla amraaz ko aamil apne jism me muntaqil karta hai aur phir fauran bahar nikal deta hai ke agar zara der hui to amil khud isi maraz me giraftar hokar rah jayega beharhaal yadullagi yaseen kamail agar bunyadi riazaton se khali ho jab bhi taseer me kuch kami waqeh na hogi lekin salab e marz ki niyat harghiz na kare ,insha Allah salab e maraz ki tareef aur iske mukhtalif hairat anghez aamal faqeer shaaiqeen e amaliyat ke liye shaya karega ek bat note kar len agar mariz na mehram aurat ya ladki ho to amil ka unko hath lagana jaiz nahi iske liye mazkoorah tariqe se ishare se masas kare aur dam kare.

شرفِ مشتری اور لوحِ شرفِ مشتری کا تعارف Sharaf e Mushtari aur Loh e Sharaf e Mushtari ka taruf (An Introduction of Jupiter glory and Jupiter Talisman

 

An Introduction Of Jupiter Glory And Jupiter Talisman
Hazrat Imam Fakhuruddin Razi, a known scholar said Allah has placed great attraction and strong effects in planets and stars.these effects are accomplished on earth by their movements not only this but what happens in the world even all the incidents and influences are according to their movements and their affects.
Every planet has its own significance like , sun has.. and mercury increases memory, while Venus concerns with love, marriage and Saturn is related to work and property while Mars concerns with the over ruling of enemy and moon concerned with the religious matter.
Like wise the planet Jupiter is related with money, wealth, happiness and increment of property and luck. After about 12 years when this planet comes near Saturn at 15 degree its power becomes very strong. At this time Jupiter enlightens its power and energy on earth which will be collected by the astrology based talisman.
Many amulets, talisman is prepared on this blessed moment. By the grace of Allah  the effects of these talisman and amulets will enhances persons wealth and attracts money into one’s life and eliminates all problems related to money.
As this moment is coming in September 2013 after 12 years so should take benefit of this very effective blessed time and moment.
I prepare talisman and amulet for specific purposes. As the this moment coming after such time everyone can easily own one of the talisman according to need. This talisman/ taweez can bring hope and  blessed life to hopeless person and eliminates all the related hurdles and bring peace and tranquillity it removes constant failing in good furtune . one who are losing their father money . and who has a fear of losing money or property due to any reason for this i prepare specialTalism. Even those who are under debt from many years and there is no way out for them  for those i prepare special talisman for recovery from debt. The people who are depressed due to small salary and less earnings this sharf , amulet or talisman has a great signifance to over come these circumstances . I prepare special package of talisman for the one who want to be filthy rich , prosperous and propertied the effect of this kind of sharf is beyond in explanation.
Hence for the wealthy, peaceful and easy life, with the increment of salary or income ,progression in career, finishes proverty, to over come the damages by the enemy in the business and successful career this time and blessed moment is very beneficial by the grace of Allah

SHARFE MUSHTARI AUR LOHE SHARFE    MUSHTARI KA TARUF

IMAM FAKHRUDDIN RAZI RAHMATULLAH ALAIH NE FARMAYA FALAASFA KE NAZDEEK ALLAH TA ALA NE ASMANO AUR SITARO ME KHAS QISM KE ASRAT RAKHE HAI.N YE ASRAT UN KE MUKHTALIF HARKAT SE ALAM DUNYA ME NAMUDAR HOTE HAI BALKE DUNIYA KE TAMAM WAQEYAT AUR HADSAAT APNI ALWI IJRAAM KE HARKATO.N KE TABE HAI HAR SITARA KISI NA KISI WAQEYA SE MUNASIBAT RAKHTA HAI HAR BURJ KE ALHAIDA TASEER BALKE BURJ KE HAR EK DARJA KE KUCH ALAG TABIAT HAI (JAMIALULOOM)HAR SIYARE KI APNI APNI KHASIAT AUR QAUM HOTI HAI JAISE AFTAB ULUE MARTABAT TASKHIR KHALAIQ ROB AUR DABDABA PAR HAKIM HAI ZOHRA MUHABBAT SHADI TASKHIR MASTURAT PAR ZOHAL ZAMIN JAIDAD KE ISTEHKAM PAR MARIKH DUSHMANO PAR GALIB ANE QUWATE  JAMA WAGAIRA PAR QAMAR AAM AMURATE DUNYAWI PAR ATARAD ILM W ADAB QUWATE HAFZA TAHRIRI FAN HUKMARA HAI IS TARAH SADA KABR SIYARA MUSHTARI MAAL W DAULAT WUSATE RIZQ AASUDGI KUSHADGI BADE PAIMANE PAR RUPIYE KA HUSOOL ZAR KASIR KE RAIL PAIL AUR MAZHABI AMOOR PAR HAKIM HAI TAQRIBAN 12 SALON KE BAAD JAB YE SIYARAH DAIRATUL BURUJ PAR HARKAT KARTA HUA BURJ SARTAAN KE 15 DARJE PAR PAHUNCHTA HAI TO USE SHARF HASIL HOTA HAI US WAQT USKI QUWAT KAI HAZAAR GUNAH BADH JATI HAI AUR US WAQT MUSHTARI AISE MUSBAT SAD  AUR RUHANI SHUAAYEN ZAMIN PAR DALTA HAI JIS KO BATREEQ ILMULTILASMAT WATTAWIZAAT ZABT ME LAYA JATA HAI AUR TAWIZAAT TILASMAT NAQUSH W AMALYAT TAYYAAR KIYE JATE HAI UN ME ALLAH QADIRE MUTLAQ KE FAZL SE AISI TASEER HOTI HAI KE USKA HAMIL BAHUT JALD TANGDASTI AUR BE BARKATI KE CHUNGUL SE NIKAL KAR ASUDGI WUSAT AUR FARAKHI KI NEMAT  SE MALA MAL HOTA HAI YEH PUR TASEER AUR MUBARAK WAQT 12 SALON KE BAAD SAAL SEPTEMBER 2013 ME ARHA HAI JIS ME KAFI TADAD ME NAQUSH W TILASMAT TAYYAR KIYE JAYENGE LEHAZA US AHAM WAQT SE FAYEDA UTHANA AUR QUDRAT KE IS AZEEM TOHFE HASBE MAQDOOR HASIL KAR KE APNI ZINDAGI KO KHUSHHALI KI RAH PAR GAAMZAN KARNA YE HAR ZIFAHAM AUR ZI SHOUR BANDE KA KAAM HAI HAMARE YAHAN SHARFATE KAVAKIB AUR DEGAR NAZRATE KAVAKIB ME KHUSUSI TAUR PAR ALAG ALAG MAQASID KE LIYE TILASM W NAQSH TAYYAR KIYE JATE HAI.N SHARFE MUSHTARI CHUNKE ARSA DARAAZ KE BAAD HAATH  AA RAHA HAI LEHAZA AISE AHAM WAQT KI QADR  W QIMAT AUR AHMIYAT  W AFADIYAT KE PESHE NAZAR HUM HAR TARAH KE NAQUSH W TAWIZAT AUR TALISMAT  TAYYAR  KARENGE JIN KA HADYA BHI MUKHTALIF HOGA TAKE HAR TABQA KE AFRAAD USE BA AASANI HASIL KAR SAKE AUR USKI BARKAT SE NA UMMIDI BEBARKATI TANGDASTI QARZ AUR AFLAAS JAISI MOHLAK BIMARIYON SE SHIFA HAASIL KARNE ME KAMYAB HO SAKE WO LOG JO BAAP DADA KI KAMAI HUI DAULAT KO BARBAAD KAR RAHE HAI YA KISI MUSIBAT KE SABAB DAULAT KE KHATAM HO JANE KA QAVI ANDESHA HAI UN KE LIYE KHAAS LOHE ISTEHKAME ZAR  TYAR KI JAYEGI WO AFRAAD JO PICHLE KAI SALON SE QARZ TALE DABE HUE HAI AUR UN SE KHULASI KI KOI SURAT NAZAR NAHIN ATI UN KE LIYE TILASM ADAYE QARZ TAYYAR KI JAYEGI WO AHBAAB JO AMDANI MAQOOL RAKHNE KE BAWAJOOD BE BARKATI AUR TANG HALI SE PARESHAAN REHTE HAI UN KE LIYE YE SHARF AKSEER KA DARJA RAKHTI HAI WO AFRAAD JO  BANK SE KHASI RAQAM BATAUR QARZ LENA CHAHTE HAI UN KE LIYE MUNASIB WAQT HAI WO ASHKHAAS JO KE LAZAWAAL DAULAT AUR AISHO TAN’OM KE MUTMANNI HAI.N UN KE LIYE KHAAS LOHE MUSHTARI MAJMUA TAYYAR KIYA JAYEGA JIS KI TASEER KA AHAATA TAHREER ME LANA DUSHWAR HAI GARZ KE MALI ASUDGI TIJARAT ME IZAFA NAUKRI ME KHWATIR  KHWA TARAQQEE ZAMIN JAYEDAD ME MUKAMMAL ISTAHKAAM GURBAT W AFLAAS KA KHATMA MUKHALIF AUR DUSHMANO KI RESHA DAWANIYON KE SABAB KAROBARI NUQSAN KI TALAFI ROZGAR ME TARAQQEE RIZQ ME BE PANAH WUSAT KE LIYE YE WAQT AKSEERE AZAM HAI AUR UN ME BANAYE GAYE NAQUSH W TILASMAT KA ASAR BAFAZLE TA ALA KAMIL

MUHAMMAD IMRAN RAZVEE AL QADRI

error: Content is protected !!