Dua e Chahal Kaaf دعاءچہل کاف

dua-e-chahal-kaaf-1 dua-e-chahal-kaaf-2 dua-e-chahal-kaaf-3

Ghous e Samdaani Mehboob e Subhani Syedna Shaikh Abdul Qadir Jeelani Razi Allahu Anha ne ek aisi dua tarteeb di thi jisne duniya e tilismat ko hairat zada kardiya is dua ka ta’aruf ek taweel mazmoon ka mutaqaazi hai jo kisi aur mauqe par pesh ki jayegi fil waqt is dua ki mukhtasar khaasiyat naqal ki jaati hai .

 

  • Baraye Aaseb zada sarso ke tail (Mustard Oil) par 40 martaba padh kar maalish karaade toh Aaseb dafa hoga.
  • Agar kisi ko dard e sard (Head Ache) kohna hojaye aur kisi ilaaj se na jaata ho toh Maah e Safar ul Muzaffar ke aakhri Wednesday ko Chahal Kaaf likh kar baandhey. Dard e Sar Inshaa Allah fauran door hoga.
  • Agar kisi ko dard e chashm (Eye pain) ho toh gulaab ke phool par 7 martaba padh kar dam karke aankho par maley. Inshaa Allah ta’ala araam hoga.
  • Agar kisi ke paet(Stomach) shadeed dard ho toh 7 martaba padh kar namak (salt) par dam karke dard e shikam wale ko khilaye. Inshaa Allah dard fauran door hojayega.
  • Agar Chahal Kaaf ko likh kar daanto mein dabaye aur 101 martaba padhe aur mushtaba aadmiyo ko saamne rakhe jo chor hoga. Inshaa Allah rone lagega aur iqraari hoga.
  • Agar kisi ko jodo mein dard (Joint Pain / Arthritis) ho toh Chahal Kaaf ko hiran ki jhilli par likh kar baazu mein baandhey Inshaa Allah dafa hoga.
  • Agar kisi shaqs ko Bawaseer (Piles)khooni ya baadi ho toh Chahal Kaaf Billi ki khaal(Cat Skin) par likh kar gale mein baandhey aur 7 adad sufaid kaghaz par likh kar alas subh pilaye. Inshaa Allah Bawaseer khooni ya baadi door hogi.
  • Agar kisi shaqs ko koi dushman eza pahuncha ta ho aur baaz na aata ho toh shab e doshanba 40 baar padh kar dushman ki ghar ki taraf dum kare Inshaa Allah eza rasaani se baaz aayega.
  • Agar kisi shaqs ka koi dushman ho aur is ko dushmani se rokna maqsood ho toh darmiyaan asar maghrib ke baroz shanba 70 martaba padhe. Qabrastan mein baith kar aur puraani qabar ki mitti par dam karke dushman ke makaan mein daaley, anoo’ o aqsaam ki musibato mein mubtela hojayega, aur dushmani tark kardega iski ijaazat lena zaruri hai.
  • Agar shaqs kisi ki zabaan badgoyi se band karna chahe toh Chahal Kaaf ko 70 martaba namak par padh kar dushman ke ghar par daale Inshaa Allah zabaan badgoyi se band hogi.
  • Zabaan bagoyi se band karne keliy Chahal Kaaf ko shangraf ki daali par likh kar ya shangraf se likh kar khilaye toh zabaan badgoyi se band hogi.
  • Agar koi shaqs qaidi ko azaad karaana chahe toh roti par Chahal Kaaf likh kar ek hafta khilaye toh Qaidi Inshaa Allah azaad hoga.
  • Agar koi shaqs apne matloob ko mayil apni taraf karna chahe toh mushk o zafraan se likh kar matloob ke raaste mein dafan kare. Inshaa Allah matloob bechain o beqaraar ho kar haazir hoyega.
  • Agar Chahal Kaaf ko meethe tail par 107 martaba padh kar dam kare aur baalo mein maalish kare toh baal daraaz ho jayenga.
  • Agar maargazeeda ya’ni saanp ke kaate ko 101 martaba paani par dam karke pilaye ya cheente maare toh hosh mein ajaye aur Inshaa Allah sehat yaab hoga.
  • Agar kisi aqeem ya aqeema ko chuhaarey mein dam karke ayaam se paak hone ke baad khilaye. 3 months tak 21 chuhaarey har martaba aur har chuhaarey par 7 martaba padh kar dam karke khilaye Inshaa Alah ba aulaad howey.
  • Agar kisi ko mirgi (Fits) ke daurey padte ho toh peepal ke patte par likh kar masr’oo ke band par maley toh Inshaa Allah araam o sukoon hoga.
  • Agar koi shaqs chahe pariyo se mulaqaat karu toh juma ki raat ko 40 martaba padhe aur bakhoor jalaye toh Inshaa Allah pehla juma ya dusre ya teesre juma ke roz pariya haazir hogi.
  • Dafa waswasa e shaitaani ke door karne ke waastey 11martaba roz padhta rahe. Inshaa allah chand roz mein waswasa e shaitaani door hoga.
  • Agar koi aurat badkaara ho toh gulaab ke phool par 7 martaba padh kar dam kare aur sunghaye, Chand baar ke amal se Inshaa Allah badkaari se baaz ajaye.
  • Agar koi shaqs sangrahni ke marz mein mubtela ho toh qand par 41 martaba padh kar khilaye Inshaa Allah araam hoga.
error: Content is protected !!